Neregula laboro, populare konata kiel nigra laboro, subakva laboro aŭ laboro en B, estas la neregistrita laboro aŭ neĝuste registrita (falsigo en ekdato en la salajraj kvitancoj, falsa pago ktp.). Ĝi liberigas kaj la dunginton kaj la dungiton el impostaj ŝarĝoj korespondaj al la emeritigo kaj al la sociala sekureco de tiu lasta. Ĝi ankaŭ liberigas la dungiton el pago de la rektaj impostoj korespondaj al la enspezo. Kiam mankas laŭjura laborkontrakto, certe estas neregula laboro.
Laŭ studo de la Fondaĵo de Financaj Studoj en 2013, en Hispanio preskaŭ 4 milionoj de personoj estas realigante iun tipon de labora agado nedeklarita. El tiuj, preskaŭ 1,3 milionoj estas personoj kiuj oficiale deklariĝis kiel sendugitoj kaj ofte tiel krome enspezas la koncernan subvencion, kaj la cetero estas laboristoj kun iu labora agado agnoskita sed kiu faras parton de tiu eksterdeklare.[1]
Studo de 2005 de la Universitato de Kalifornio ĉe Los-Anĝeleso montris, ke la ekonomio en Kalifornio estas partikulare malfortigita pro pli ol du milionoj de laboristoj kiuj ricevas salajron kaj ne pagas impostojn.[2] Tiel oni kalkulas, ke ĉirkaŭ 214.6 mil milionoj da usonaj dolaroj estis neregistritaj en IRS en 2016 nur pro tio.[3]